Artist: 
Search: 
Reddit

Polo Hofer - I Dr Zuekunft lyrics

I dr Zuekunft isch suubers Wasser tüür
und es Hüsli im Grüene isch rar
I dr Zuekunft rede alli vo Liebi
und Sex isch nume e War.
Es git no Böim im Museum
u Wälder gits keini meh.
Da lehrsch ds Läbe kenne
dür Popmusig u Fernseh.

I dr Zuekunft – wartet ds Paradies
I dr Zuekunft – geits vielne guet
I dr Zuekunft – geits vielne mies.
Zuekunft isch scho da!

I dr Zuekunft isch alles gratis
was chasch choufe het kei Wärt.
I dr Zuekunft isch ds Läbe e Party
u ds Überläbe isch hert.
Nachedänke macht unglücklich
u nüt dänke isch e Chrampf.
U niemer cha niemerem säge
wenn Friede u wenn Kampf.

I dr Zuekunft – isch alles no glych
I dr Zuekunft – sy die Arme arm
I dr Zuekunft – sy die Ryche rych.
Zuekunft isch scho da!

I dr Zuekunft – wartet ds Paradies
I dr Zuekurift – geits wenige guet
I dr Zuekunft – geits vielne mies
I dr Zuekunft – isch alles no glych
I dr Zuekunft – sy die Arme arm
I dr Zuekunft – sy die Ryche rych
I dr Zuekunft – isch alles anders
I dr Zuekunft – isch alles no glych