Artist: 
Search: 
Reddit

Helmut Qualtinger & André Heller - D' Hausherrnsöhnln lyrics

In Gumpendorf drunt auf an Eck Nummer zwa
steht a dreistöckig's Haus dort, das g'hört dem Papa,
in ein'Zimmer da drin steht a Kassa allan,
und da hat den Schlüssel dazu die Mama.
Drum fehlt uns a s'ganze Jahr niemals a Göd,
um dös zu verputzen san mir auf der Wöd,
wann vom Arbeiten g'redt wird, da kieg'n ma an Grant.
denn unser Vater is a Hausherr und a Seidenfabrikant,
denn unser Vater is a Hausherr und a Seidenfabrikant.

In der Schul schon war'n wir a paar hautschlechte Buab'n,
hab'n niemals an G'spaß und a Gaude verdorb'n.
Nur der Lehrer hat g'sagt: Mit eng zwa is a Kreuz,
aus a paar solche Eseln wird niemals was G'scheit's.
Das hat er ganz groß auf die Tafel hing'schrieb'n,
und daß er net blamiert is, so san ma's a bliebn.
G'lernt hab'n ma nix aber mir san arrogant.
denn unser Vater is a Hausherr und a Seidenfabrikant,
denn unser Vater is a Hausherr und a Seidenfabrikant.

A Schiller, a Goethe war niemals im Haus,
dö kennen ma bloß vom Figurimann aus,
in der Geographie wiss'n ma net bis Tirol,
dafür aber spiel'n ma sehr gut Karambol.
A Theater, das für uns d'höchste Fadess,
von die Tanzschul'n jedoch wiss'n ma jede Adress.
Da brauch ma kan Geist und san doch elegant.
denn unser Vater is a Hausherr und a Seidenfabrikant,
denn unser Vater is a Hausherr und a Seidenfabrikant.