Artist: 
Search: 
Reddit

Felpeyu - La Pongueta lyrics

Pela baxada a Sellañu
dibes dexando la vida
pendirriba pendibaxo,
goxes, macones y paxos
de Cazu pa les Arriondes.

Pela baxada a Sellañu,
nun requexu, Ponga entero,
pendirriba pendibaxo,
el to saber na to fala
y un fardaxáu de llamentos.

Nun sé que viera nes sayes
que de neñu m’envolvieran:
señardá, besos y ciñu,
mimos, calor y conciencia.

Faigo por vete
peles calles, nos lletreros
y na fala de los vieyos.

Faen por borrate
de los mios güeyos y manes,
pero nun son quién a ello.

Pelos requexos de Ponga
yá nun pasa la goxera
pendirriba pendibaxo,
el so saber yá reposa
camín de que s’escaeza.

Dende'l Suanciu, Ponga entero
ye foriato en casa d’ella,
pendirriba pendibaxo,
colos nomes camudaos
en daqué fala estranxera.

Nun sé lo que deben ver
que-yos dan mieu les palabres
a los que tienen el filu
del to resuellu nes manes.

Faigo por vete
peles calles, nos lletreros
y na fala de los vieyos.

Faen por borrate
de los mios güeyos y manes,
pero nun son quién a ello.

Naguo por vete
peles calles, nos lletreros
y na fala de los neños.

Faen por borrate
de los mios güeyos y manes,
pero nun son quién a ello.