Artist: 
Search: 
Reddit

Allschwil Posse - Undercover Jesus lyrics

I ha scho vill gmacht un i ha scho vill gseh
Mir hän glacht, s’het kracht und au no vill meh
Unser Läbe isch schnäll gsi, kompromisslos und hart
Aber jetz simmer nonemol ganz neu am Schtart

Mir bereue, und wän e neue Parcours dur dr Dschungel vom Läbe
Mir bitte dr Härr Jesus er soll uns vergäbe, alli unsri Fauxpas, dr massakrierti Opa
Und di minderjöhrige Schnitte, mir wän um Vergäbig bitte

Es ka numme eine dr Posse-Chef sii, früener hätt i mi drum grisse aber jetzt sehni’s ii
Es sin höcheri Mächt wo gfrogt sin für das, dr Jesus us dr Bible, dä macht se’n alli nass
Er ka irgendwenn ko, egal an welem Ort, er kunnt sowiso, und me kennt ne nit sofort

Undercover Jesus, in gheimer Mission
Undercover Jesus, es isch irgend e Person
Undercover Jesus, är seht alles ganz genau
Undercover Jesus, är goht mängisch au als Frau

Allerdings, ei Fähler hett dr Jesus gha, i mein wenn eine scho si Erschiinig ändre kah
Und ohni dass ne irgendöpper kennt d’Lüüt uf Prob schtelle kah, denn isch’s doch verklemmt
Wenn me hindedrii nätt und verschtändig alles verzeiht
Wenn eim irgend sone Schofseggel blöd aaschreit und behandlet wiene Bättler, will er eim nit erkennt, i mein das isch doch maso, wenn me das nit abklemmt

I miech das anderscht, do kasch sicher sii! Schtell dr vor e Türschteher loht mi nit verbii
Und meckeret wäg mir oder minre Garderobe, denn ka der garantiere, das isch si letschte Oobe
Ganz klar, wenn mir öpper uf d’Schue will kacke -und ich bin dr Jesus – dä ka si Koffer packe
Und sofort dunne in dr Höll iichecke, dä soll sich halt vorhär öppis überlegge

Undercover Jesus, in gheimer Mission
Undercover Jesus, es isch irgend e Person
Undercover Jesus, är seht alles ganz genau
Undercover Jesus, är kunnt mängisch au als Frau

I widme mi Läbe ab jetzt am Herr Jesus, bimene andere Richter gsächt’s alwäg bös us
I bin underwägs rund um d’Wält inkognito, wär Ziit und Gält het, soll ruig mitko
Wär weiss, was mer uns uusepicke... Mohnplantage, Drogefabrike
Dr Jesus underscheidet nit, ob arm ob riich, er macht alls mit
Genau wie d’Bible das beschriibt, göhn mir wohi uns s‘Läbe triibt
Mir löhn uns Cola-Light in d‘Nase und campiere uf em Golfplatz-Rase
Denn gömmer barfuess ins Fünfschtärn-Hotel oder als Transe ins Bordell
Wäm das nit passt, merkt sicher glii: Mir könnte jo dr Jesus sii!

Undercover Jesus, in gheimer Mission
Undercover Jesus, es isch irgend e Person
Undercover Jesus, i sehn alles ganz genau
Undercover Jesus, i kumm mängisch au als Frau